قهوة
قلتلي جايي زيارة حطيت الركوة عالنار
ونطرتك حتى الجارة عرفت شو عندي اسرار
بردت قهوتنا وناموا أهل الحي ونام الليل
فوق مخدات نجومو وعيوني تتخيل خيل
تحملي منك اخبار
وما جاني منك مرسال يسأل عني بهاك البرد
يتطمن كيف الاحوال كيف الشتوية بهالجرد
حتى لما داب التلج رجعت الركوة عالنار
عصفور الصحو الازرق خلاني اسبق حالي
ونزلت نطرتك عالمفرق وصار يضيعني خيالي
حتى النجوم ال بالعالي رميولي القمر زنّار
أنا من هنا – هل يرجع الربيع – زهرة الجبال
كلمات: جاد الحاج
تلحين: وليد غلمية
غناء: فادي إسكندر
كنزة صوف
يا نازل عالسهرية والسهرية مضوية
ما تغازل وردات الجرد الوردة العندك جورية
ما تغازل وردات الجرد جايي التلج وجايي البرد
وحدا البتحبك هيي لـ عمتغزلك كنزة صوف
كفوف وشلحة وطاقية
عمتغزلك كنزة صوف غني ولاقيها بالأوف
وشوف البسمة الخجولة والجدّولة محلولة
والغميزة بدوية
مهما قلبك حب الورد ومهما عيونك شردت شرد
بالآخر كل العشاق حبّوا مرّة مش أكتر
الباقي وراق بهالدفتر وهم وقصة منسية
النخلة
النخلة النخلة عمبتلوح بالريح الشتوي المجنون
من حدي الليلة ما بتروح نحنا الجمرة والكانون
ما شتت غيمة وحدا بدّا البرق وبدّا الرعد
والجمرة الما في حدّا جمرة حمرا متل الورد
لونا رمادي راح بيكون طول النخلة عتابا
وشلوحا مناديل الشوق يللي فتحتلك بابا
وضوّتلك قنديل الفوق قلبا بعيونك مسكون
إلنا النخلة وإلنا الريح وشعري عكتفك مشلوح
شعرة واحدة ما بتزيح يا حبي وحدك بتمون
وجِّك
وجِّك موجة ودّعها بدموعو البحر
وجِّك نجمة مسحورة ومخبّى السحر
بغنيلك حتى الكلمة ترّدلي الروح
بغنيلك متل الشاعر صوتو مجروح
ومتلي الشاعر عمّرلك من كوخو قصر
وجك سهرات الراعي حد الغيمات
وجك ناي وعميضوي ليل السهرات
بتسبقني صوبك نسمة ومسروج المهر
بغنيلك حتى الغايب بالغربة يحن
بغنيلك لو ما بغني جنوني بيجن
وما بيتعب صوتي دقيقة ولو غنّى دهر
غلطان
لما لمحتَك دق الحب بابي الناطر من زمان
ما عاد قلبي هاك القلب الما بيذكر الا النسيان
سهرنا ليلة وطوّلنا وصارت كل دقيقة عمر
شربنا الليل تــ سكرنا وماجت فينا مواج البحر
وسكتنا وكان اللي كان
ليلة طاير فيها العقل كل نجوما سهراني
قمرها تاكي عالسهل وفراشاتا الجهلاني
بتتمرجح متل الصبيان
حبّيتك والماضي نسيت جمرالماضي صار رماد
ولما عالموعد ما جيت سرقت الليل لبستو حداد
وتسكّر بابي السهران
موّال
قلبي العطاك الحب من قلبو الغني
لا حَب متلك حدا وباع الدني
بتحب ليلة والهوى عندك هوا
غلطان مش بالحب اللي استغنى غني
لولاك
لولاك يللي جيت
متل غيم الصحو بنيسان
لولاك ما شرّقني الهوا
ولا انكتب صوتي دهب بكتاب الزمان
لولاك ما طالت غصن السما هالأيد
ولا غط عزندي وهدي طير الحمام
لولاك حدي دفا
ولو كان الدفا كتير بعيد
لولاك ما كنت مرّة انا
والشعر عشفافي كلام
دبكة يا هلا
مشغولة الأرض بوصلتكن معجوق الزهر بطلتكن
رجعتوا من الغربة وهلّيتوا ياما حلى الراجع عبيتو
مبروكة علينا رجعتكن يا هلا
تشوقنا كتير لشوفتكن بالبسمة منمسح دمعتكن
شيبة صنين بتتجلى وشلوح الارزبتتعلى
لما بتتغاوى قامتكن يا هلا
طولتوا وطالت غيبتكن ورجعتوا ولمعت نجمتكن
خليكن عنا لا تفلوا نــ بقيتوا منبقا وبتضلوا
حدّ الارض الحبتكن يا هلا